कचरा

कचरा 23/6/2019
सकाळ पासून दिवस भरात
तयार होत असतो , तो कचरा
वस्तूंचे जे निरुपयोगी रुप
करावा तयाचा नित्य निचरा

कशाला करिता उगाच गवगवा
सतत कचरा कचरा वदूनी
असता उभी कोप-यात केरसूणी
करेल क्षणात तयासी, दूर सारूनी

झाडूनी काढिता स्वच्छ सदन
म्हणती वसे, लक्ष्मी सदाकाळ
नसता कचरा ,लाभे निरोगी जीवन
दिसे न व्याधीची बाधा , कदाकाळ

हा तर झाला भौतिक कचरा
खरा कचरा वसे, मना मनात
तयास, दूर सारण्यास मात्र
सद् विचार येती , कामास क्षणात

करा दूर मनातील षडरिपूंना
मोह माया मद मत्सर न् लोभ
तोचि असे वैचारिक कचरा
थांबवावा तयांचा आधी क्षोभ

वैशाली वर्तक