दुष्काळ

                  दुष्काळ              5/12/2018
पडले मृगाचे पाणी
अंकुरले बीज फोफावूनी
मनीं आनंदिला राजा-बळी
रंगविली स्वन्पे मनातूनी

       वा-यावर डौलती चहूकडे
        शिवारे हिरवी आखीव
        पाहता वाढली जोमाने
         सुंदर दिसती रेखीव

पण वरुणराजा कोपला
पाणी नाहीच बरसल
सारे पीक कोमेजल
हाती काहीच न गवसल

       सुकले ओढे, सा-या नद्या
       गुरांना पण न मिळे चारा
       काळी भूभी भेगाळली
        जीवाला कसा मिळेल थारा

बियाणाचे चढे कर्ज माथी
बळीराजा कसा होईल सुखी
कणभर दाणा नसे घरी
तयाचे जीवन झाले दुखी

          रब्बीची कराया पेरणी
          पाणी आता येई डोळा
          कसे होणार आता चिंतेने
          दुष्काळ दिसे सर्त्रव काळा

असे ह्या मेघराजाने
न देता दिन सुकाळाचे
करूनीया कोप मातीवर
दाविले दिन दुष्काळाचे ..

..... वैशाली वर्तक