हव्यास

                     हव्यास
                       देवा दूर कर रे  इतुका  हव्यास
        सदा समाधान, देगा देवा
        गरजे पुरते ,दे जनांना
        सुख शांति ,नांदेल जगती
        नसेल जर हव्यासी कोणी
                                देवा ,नको रे इतुका हव्यास

        धन कमविण्याचा असे हव्यास
        संचयास नसे , अंत ना पार
        धना पोटी धावे , तीन्ही-काळ
        असता जाणिव ,जाणे रिक्तच
                              देवा ,नको रे इतुका हव्यास.

       रयतेला , धरूनिया  हाती
       हव्यास मनीं , व्हावे सत्ताधारी
       स्वार्थ  स्वतःचा  सदा साधती
       करूनिया , दुरुपयोग सत्ते-तूनी
                                देवा ,नको रे इतुका हव्यास.

        करु पहातो, निसर्गाला दास
        विज्ञान प्रगतीचा, मनीं हव्यास
        सृष्टीचा स्वामी, तयाचाच मिरास
        न जाणती तयाच्या ज्ञानाचा प्रकाश
                               देवा, नको रे इतुका हव्यास.

         विद्यार्जनाचा असावा हव्यास
        मिळवावे विद्या धन हम-खास
        तयानेच मिळतो मान सन्मान
        या हव्यासास, नसावा कधी पार

                               देवा ,असावा रे हा हव्यास.
                               देवा, असावा रे हा हव्यास.

                                            ............वैशाली वर्तक  ७/५/२०१७