panavaril dav bindu

                              पानावरील दव बिंदू

   पानावरचा दव बिंदू
   भासत होता मोती समान
   काय करता येईल तयातून
   विचार आले अनेक मनात .

  भासत होता पा-यासम ,
   भरून  घ्यावा  नळीत तयास,
  अन बनवावे  ताप - मापक ,
  मुलांना देण्या ज्ञान अगाध .
                शिक्षकी , विचार आला मनात .
                     
  बघत होता थेंबाकडे ,
  टकमक लावुनिया डोळे ,
  शमवेल आता तृष्णा माझी ,
  सरसावत तो आला पुढे .,
          कुणीएक , पक्षी  चातक ..

     कुणी सराफ मनी वदला ,
     मन:शांती साठी हाच हवा ,
     स्पर्श तयाचा होई कांतीला
    मोत्याची बनवू करांगुलीला .
                 चंद्रबळा   साठी  , हाच  बरा

     पाहूनी  त्या  दव बिंदूस
     कुणी  भक्त होऊनी  आकृष्ट ,
     मनीं  आला विचार तयास
     मस्तकींच्या मयूर पिसास .
                  शोभिवंत , मम् कान्हयांस .

      जवळ जाऊनी  होते निरखत ,
      शोभेल कीं , अपुल्या अंगठीत?
      का, अडकवून द्यावा  गळसरेत ?
      विचार आला मम हृदयात .            
                           अन हळूच , लाविला हात तयास

      निसटला की  हो  पानावरुनी ,
     निखळावा मोती धाग्यातुनी ,
    गेले विचार क्षणात  विखरूनी ,
     घरंगळले मनाच्या ओंजळींतुनी .
                  पानावरील दव बिंदू
                                                 भासत होता मोती सम.