२९\१\२६
वृत्त..पादाकुलक
क्षणा क्षणाने
काळ पुरुष तर, चाले अविरत
उषा आजची न येते परत
दिवस आजचा,संपेल क्षणी.
गत काळाची, सय नको मनी
क्षण न पाहतो, रंक व राजा
कधीच न करी , गाजावाजा ,
सुखी क्षणांना , झणी लुटूया,
क्षण जो आला ,मौज करूया.
क्षण सरताची,उल्हासाचा
तोची पुन्हा. न परतण्याचा
निसटे वाळू, . हातामधुनी
क्षणही सरतो जीवनातुनी.
दिवस आजचा,हा सोन्याचा
विचारच नको,काल उद्याचा
वैशाली वर्तक
अहमदाबाद
कोणत्याही टिप्पण्या नाहीत:
टिप्पणी पोस्ट करा