*स्पर्धेसाठी*
ArLiEn ka मराठी प्रेरणा प्रतिष्ठान आयोजित भव्य राज्यस्तरीय मासिक १५ ऑगस्ट
स्वतंत्र दिनानिमित्त विशेष काव्यलेखन स्पर्धा
क्रमांक २४
विषय ..मी भाग्यवान आहे
शीर्षक.. भाग्यवान मी नागरिक भारताचा
भारत देश माझा महान
मला त्याचा सदा अभिमान
प्राणाहूनी असे मज प्रिय
गौरविण्यात असे माझी शान
वसे समतेचा भाव सर्वत्र
न दिसे कधी भेद भाव तयात
असुनिया जाती धर्म अनेक
असा देश नसे कुठे जगात
एकता नांदे माझ्या देशात
विलीन केलीत संस्थाने अनेक
राखुनिया मान वल्लभभाईंचा
घडविला अखंड भारत एक.
भारतभूचा मी नागरिक भाग्यवान
स्वातंत्र्य वीरांची किती गावी गाथा
लाल ,बाल ,पालांची स्मृती जागता
नागरिकांचा उंचावतो माथा
अभिमान वाटे शास्त्रज्ञांचा
नव्या युगाचा बदल घडविण्यात
प्रगतीशील भारत देश माझा
टाकिले पहिलं पाऊल अंतरिक्षात
वैशाली वर्तक
अहमदाबाद
कोणत्याही टिप्पण्या नाहीत:
टिप्पणी पोस्ट करा