भारतीय साहित्य व सांस्कृतिक मंच ठाणे
आयोजित उपक्रम क्रमांक ९१
विषय. क्षणभंगुर
जीवन आहे क्षण भंगुर
जगून घ्यावं आनंदाने
पाण्याचा पहा बुडबुडा
जगतो ऐटीत दिमाख्याने
असते बुडबुडयाचे जीवन
ख-या अर्थाने क्षणिक
पण कसा भावतो मनास
उजळून जातो साहजिक.
नभी काळे मेघ जमता
जाते दामिनी चमकून
क्षणिक तेज स्वरूप
क्षणभर जाते प्रकाशून
करा विचार जीवनाचा
क्षण क्षण चालला निसटून
काळ चालला सदैव पुढे
जशी निसटते वाळू हातातुन
आजची सकाळ येत
नाही पुन्हा परतून
आला तो क्षण आनंदाचा
म्हणत उत्साहाने घ्यावे जगून
वैशाली वर्तक
अहमदाबाद झ
कोणत्याही टिप्पण्या नाहीत:
टिप्पणी पोस्ट करा