वृक्ष वल्ली आम्हा सोयरे

 KAमराठी प्रेरणा समूह

आयोजित 

उपक्रमासाठी

कविता लेखन

विषय - वृक्ष  वल्ली आम्हा सोयरे

होते  बसले उपवनी

 विसावण्या  आले पक्षी

बसले   वृक्ष फांदीवरी

उडता  दिसली नभात नक्षी

बहरलेले हरित पर्णांनी

वृक्ष अनेक होती बहरदार

पक्षी, किटकांना देती निवारा

झाडे दिसती डौलदार 

साहूनी उष्ण झळा 

पशुंना देतसे छाया

पथिकास देई गारवा

जणू करी प्रेमळ माया

वृक्ष  असे सत् पुरुषा सम

देई फळ फुल छाया

जरी करिता तया आघात

करी सदैव  प्रेमाची माया

थांबवी मातीची धूप

मदत रूप पावसास

फुला  फळांनी बहरूनी

आनंददायी असते मनास

 

 वृक्ष करीती सांगोपन

 जणु मायबापा परि

वदती संत सोयरे तयांना

काय उणे  सांगा तरी

वैशाली वर्तक 

अहमदाबाद