हरपली अनाथांची माय
असा कसा आला दिन आज
कुठल्या शब्दात सांगू काय
निःशब्द झाले सारे जन
*हरपली अनाथांची माय* 1
स्वतःचे जीवन संघर्ष मय
प्रसंगी चितेवर शेकली भाकरी
लेकरांना मात्र देऊनी घास
अश्रू पिऊनी केली चाकरी 2
कर्तृत्वात कधी न राहिली मागे
लहान थोरांची झाली माई
आई होऊनी तू जगलीस
तुमचे कार्य महान सिंधुताई 3
बांधली अनाथाश्रम ,वस्ती गृह
अनाथांचे केले मायेने संरक्षण
आई बनली त्या बेवारसांची
बांधले वर्ध्याला केंद्र गोरक्षण 4
किती तव साधी रहाणी
घडविला तू नवा इतिहास
जगाला भावली विचार सरणी
अनाथांना दिला मुखी घास 5
वैशाली वर्तक
अहमदाबाद
कोणत्याही टिप्पण्या नाहीत:
टिप्पणी पोस्ट करा