गीत ..जाग जागली ही प्रभा

प्रेमाची अक्षरे समूह
भावगीत स्पर्धे साठी
विषय - जाग जागली ही प्रभा

      दूर जाहला तम निशेचा जाग जागली ही प्रभा,
      उठा हो सकळ जना, मंदीरी भक्तांची भरे सभा. ....धृवपद

   उमलल्या कळ्या आशारुपी वेलीवर सकाळी
   किलबिल खगांची भासते जणु गोड भुपाळी
   वनोवनी विहरतील पहा विहंग आता नभा
   उठा हो सकळ जना, मंदिरी भक्तांची भरे सभा.....1

   करुनी सडा रांगोळी लावियले दीप वृंदावनी
   अर्ध्य दान करण्या उभे जन तयांच्या सदनी
   रवी आगमनाने दिसे न्यारीच सृष्टीची शोभा
   उठा हो सकळ जना मंदिरी भक्तांची भरे सभा

   स्वर्ण रंगात नभी येता ,मिळे जीवन जनांना
   उल्हासित मने जन म्हणती "प्रभात" त्या क्षणांना
   उषःकाल होता नभात पसरल्या सोनेरी आभा
   उठा हो सकळ जना, मंदिरी भक्तांची भरे सभा

वैशाली वर्तक
अहमदाबाद(गुजरात )