ज्वारीचे कणीस

नातवास देण्यास प्रात्यक्षिक ज्ञान
कशी येते भाकरी ताटात
 शेतकरी करतो पेरणी कशी
कणसे कशी डौलतात शेतात

सहज टाकले ज्वारीचे दाणे चार
रोज देता पाणी तयास नियमित
रुजलेकी दाणे जमिनीत छान
इवलेसे अंकुरले कोंब काही दिवसात

पहाता पहाता वाढले ते रोप
दिसेल ना डौलदार कणीस एकतरी
याची वाट पाहिली दोघांनी मिळूनी
पण आज सहज लक्ष जाता
दिसले की दाणेदार कणीस उंचावरी
पाहून झाला आनंद अमुच्या मनीं

वैशाली वर्तक