काव्य स्पंदन राज्य स्तरीय समुह 02
दैनिक उपक्रम
काव्य प्रकार -- दशाक्षरी
विषय - कर्तव्याची ओढ
माता पिता करिती संस्कार
बालपणी प्रेमे पाल्यावर
असे ओढ त्यांना कर्तव्याची
घडविण्या आत्म बलावर 1
तीच ओढ हवी कर्तव्याची
भविष्यात ठेवुनिया मनी
व्हावे पाल्यांनी आधार काठी
द्यावी प्रेमळ छाया जीवनी 2
असते सैनिकांना जाणीव
रहाताती कर्तव्यात दक्ष
देश प्रेम हृदयात सदा
देश रक्षणात त्याचे लक्ष 3
गुरुंना मान असे देवाचा
नाते गुरु शिष्याचे महान
ओढ मनी सदा कर्तव्याची
म्हणूनच जगी त्यांचा मान 4
सर्व सफाई कामगारांनी
जराही न दावीली उणीव
संकट कोरोना देशावर
दाविली कर्तव्याची जाणीव 5
नागरिकांना हवी ती ओढ
स्वसुरक्षिते च्या बंधनाची
करण्या देश कोरोना मुक्त
कर्तव्ये पाळू सरकारची 6
वैशाली वर्तक
अहमदाबाद (गुजरात )
कोणत्याही टिप्पण्या नाहीत:
टिप्पणी पोस्ट करा