आयुष्य तेच आहे

विषय.. आयुष्य तेच आहे

नित्य नेमाने करितो उषा 

रवी येऊनी  गगनी

यामिनीचा तोच शशी

रास खेळतो तारांगणी

रोजची तीच ती सकाळ

न घडता  तयात बदल 

ओघाने येतेच , तेच जगणे

 न वाटे मनाला नवल

नव्या आशेच्या किरणांनी

मानवच शोधतो नावीन्य

करण्या आनंद सोहळा

मिळवितो जीवनी प्राविण्य 

 नदी  आक्रमिते मार्ग

 वाट खडतर , वाहे अविरत

सागर लहरी येती उचंबळुनी

भेटती  किना-यास उसळत

सर्व सर्वची,  असे तेची

 जन्म ते  मृत्यूच्या अवधीत

 आयुष्य आहे, तेच ss तेच 

अबाधित राखावे सदोदित 

 तेच ते  असता आयुष्य

संगीताच्या  सप्त सुरात

इंद्रधनुच्या सप्त रंगाने

जगू आयुष्य, घेत हाती हात

 वैशाली वर्तक

अहमदाबाद