विषय - मृगजळ
नका करु वणवण
सुख आहे मृगजळ
जाते पळून दूरवर
दुःख राहते जवळ
सारे जीवन संपेल
सुख मात्र शोधण्यात
पण कधी उमजेल
सुख आहे संतोषात
सदा पाणी समजून
मृग धावे पाण्यासाठी
न मिळता थेंब पाणी
निराशाच सदा पाठी
सुख दुःख येणारच
जीवन लपंडाव खेळ
एका नंतर एक येणार
आनंदाचा जमवा मेळ
आशेवर भुलून न रहाता
करावे यत्न हमखास
यश येईलच जवळ
मृगजळाचा नको भास
वैशाली वर्तक
अहमदाबाद
- जीवन कसे जगावे
मानव जन्म हा लाभला करु सोने सर्वस्वाने
दिधले आयु ते देवाने जगु जीवन आनंदाने ... धृ
निशेत दडली पहाट नसे तम सदाकाळ
का बाळगी भिती मनी नको खंत कदाकाळ
आशेची सकाळ येता ,हो सज्ज स्वागता हर्षाने 1
गाणे देई मना आनंद भरु सप्त स्वर मनात
होता संगीतमय जीव, व्यथा जाती दूर क्षणात
मनी राखता हे भाव, भरे जीवन सौख्याने 2
नदी धावे जीवन देण्या, मग का रडत बसणे
करिते का खंत सरिता, काट्यात फुलाचे हसणे.
राहू सदा समाधानी ,सुख येईल नित्याने 3
वैशाली वर्तक
अहमदाबाद (गुजराथ )
8141427430
महाराष्ट्र साहित्य सुगंध
द्वारा आयोजित उपक्रम
विषय - प्रेम
षडाक्षरी रचना
*अबोल प्रीती*
नसते प्रेमाला
कधीही गरज
अबोल हे प्रेम
उमजे सहज
स्मरतो पहिला
स्पर्श भावनिक
देतो आठवणी
मना साहजिक
ऐका
गंध तो प्रीतीचा
राहतो अंतरी
वसंत फुलतो
मोद भरे ऊरी
प्रेमाच्या क्षणांची
मनी आठवण
सदा राही मनी
गोड साठवण
अबोल प्रेमाने
मिळतो आनंद
जीवाला लागतो
भेटण्याचा छंद
वैशाली वर्तक
अहमदाबाद
