विषाची परीक्षा

कल्पतारु जागतिक साहित्य  मंच

आयोजित 

उपक्रम 

विषय - विषाची परीक्षा

लाभला मानव जन्म सत्कर्मे

करु तयाचे सार्थक

या जन्मावर या जगण्यावर

करूया प्रेम  नितांत

बनवा जीवन सुंदर गाणे

जाणीव असता जीवन मर्म

विवेक बुद्धी ने करु विचार 

नको आवाक्या बाहेरची कर्म

क्षमतेनुसार निवडा  दालने 

कशाला   हवी विषाची परीक्षा 

करु साध्य आपपल्या कुवतीने

नको सदा शिरी अनेक अपेक्षा

सदा संगत हवी चांगली

लक्ष न जाते वाईट कामी

येत नाही वेळ विष परीक्षेची

हीच आहे जीवनी युक्ती  नामी

वैशाली वर्तक 

अहमदाबाद

गजल ...... आनंदकद वृत्त

           

माझ्या  मुठीत सारे तारे भरून घेते

एकेक मोजताना डोळे मिटून घेते

केव्हातरी लिहावी वाटे मनी सदा ती

होणार का मनीषा  पूर्ती  खरी  कदा ती

आनंद वाटतांना  मौनात  का रहावे

दुःखात  जीव  असता  हसरे कसे रहावे

ओठातशब्द आहे कोणास ऐकवावे

वेड्या मनास माझ्या   केव्हा तरी  कळावे

घेऊ  कशी भरारी  आकाश  उंच आहे

 माझ्या मनात  सारा तैयार मंच आहे

देवास पूजताना मोहात  का पडावे

भक्तीत देव दिसता  लोभास  का स्मरावे

दुःखात देव येतो  देवास  आठवावे

आनंद तोच  देतो त्यालाच  आठवावे

रस्त्यात चालताना  गीतात  का रमावे

गीतातल्या स्वरांना कंठात आळवावे

आंतरंगात तुझाच वास

कल्पतरु जागतिक साहित्य  मंच

आयोजित  

उपक्रम 

विषय - अंतरंगात तुझाच वास

       

नित्य  होतेच  सकाळ

घेऊनी येते नव आशा

अंतरंगीच्या तुझ्या   वासाने

जीवनातून जाते निराशा

येवो संकटे कितीही

मनी आहे दृढ विश्वास

उभा रहातो तू पाठीशी

मदतीला येतो हमखास 

येतो धावूनी सख्याहरी

अंतरंगी असता तुझाच वास 

धावा करिता मनोमनी

 मदतीला  येतोची खास

अंतरंगात तुझाच वास

तारिल्यास तुकोबाच्या गाथा

 धावी भक्तांच्या मदतीला

 देवा  चरणी  ठेवीते माथा

अंतरंगी तुझ्या  वासाने

जीवनी दिधलेस  सारे

सुंदर  आयुष्य  जगता

पहाते सृष्टी चे रुप न्यारे

वैशालीवर्तक

अहमदाबाद

कडू

 

कडू

सर्व चवीनी युक्त  असे

आपला रोजचाआहार 

गोड आंबट तिखट चवीत

कडु चवीलाही मान अपार

उगा  का  गुढी पाडव्याला

खाती कडू नींब  आवर्जून 

दूर करी आजार सारे

वर्षभराचे  जाती पळून

कडू चवीचा स्वाद हवा

काही रोगास हमखास

कडू कारले  गुणाचे

मेथी असे,  वात हरण्यास 

औषधे  तर असती कडू 

 रोग दूर करण्यात कामी

कडू चवीचे  करावे सेवन

आरोग्य राखण्यात युक्ती नामी

वैशाली वर्तक 

अहमदाबाद 

काही गजल मंजुघोषा

 मंजुघोषा वृत्त 

गालगागा गालगागा गालगागा

वेळ माझ्या  आयुष्याचा वेचतो  मी   

हेच माझे सांगण्याला जागतो मी

अंतरीला लागलेले   ऐकताना

वेदनांना माझ्या मनी दाटतो मी

सोबतीची   हौस माझी  साधताना 

खूप आशा  बांधलेल्या  तोडतो मी

चांदराती चालण्याची मौज वाटे  

चंद्र तारे यात नाते जोडतो मी

खेळखेळू  जीवनाचा सोबतीने

हेच माझे शब्द तुजला बोलतो मी

आनंदमय जीवन

अभा म सा प समूह २

दि 3/8/22

उपक्रम क्र  ५००

विषय -  आनंदाचे डोही आनंद तरंग

      आनंदमय जीवन

जीवनात आहे मोद 

शोध तयासी मानवा

क्षणो क्षणी विलसते 

येई रोजची तो नवा

रोज येई नवी ऊषा

रवी आणितसे  आशा

कर स्वागत तियेचे

नको मनात निराशा

जीवनाचा डोह पहा

बघ   ते मोद तरंग

भरलेला आनंदाचा 

शोध नव आशा उमंग

असे जीवन जगता

दुःख  वाटे जवा परी

लावा जीवन सार्थकी

मोद भरला जगभरी

वैशाली वर्तक 

अहमदाबाद

सुखी समाधानी

 सिद्ध  साहित्यिक  समूह

विषय - चित्र काव्य

      

     सुखी समाधानी

बसली नटूनी थटूनी

प्रसन्न  भाव मुखावरी

डोळे मिटूनी  अनुभवी

सुखाचे क्षण क्षणभरी

दिसत आहेत दोघेही 

संसारी  सुखी समाधानी  

तडजोड राखली मनी

नांदती सौख्यात प्रेमानी

सखीचे पुरवितो लाड

साजण पण  कौतुकाने 

खुष होऊनी स्मित हास्ये

 लाली चढलीय सौख्याने

वारा तयात करी मस्ती

उडवी कुंतल अलवार

हसतमुखे नीट करी

धनी तयांना वारंवार

वैशाली वर्तक 

अहमदाबाद