हरी नामाचा गजर

सिध्द  साहित्यिक  समूह

आयोजित  उपक्रम क्रमांक ४४६

विषय -नाम गजर

     *हरी नामाचा गजर*

वारी निघाली पंढरी

विठु नाम ओठावरी

हरी भक्तीत न्हाहती

वारकरी निरंतरी

जय घोष विठ्ठलाचा

एकादशी  आषाढीला

नाम गजर करिता

चला जाऊ पंढरीला

विठ्ठलाच्या गजरात

 वारकरी होती गोळा

घेता दर्शन विठुचे

वाहे आनंदाश्रू डोळा

नाम स्मरणात असे

अनामिक दृढ शक्ती 

दूर   होती भवताप

करा मनोभावे भक्ती

झेंडा रोवतील तीरी

हरी नाम गजरात

दुम दुमेल पंढरी

विठ्ठलाच्या भजनात

वैशाली वर्तक 

अहमदाबाद

जळता कशाला कुणावर\\ सोडून देऊ द्वेष

रचियता साहित्य  मंच

सामाजिक कविता

*जळता  कशाला कुणावर**

 दुजावर जळणे हा

असे सदाची दुर्गुण

 षडरिपू तील एक 

दूर  ठेवा मनातून

दुजावर जळणे हे

असे लक्षण  द्वेषाचे

त्रास करिती स्वतः ला

सदा असे ते तोट्याचे

ज्याच्या त्याच्या  नशीबाने

देव देत असे जना

मग का उगाच मनी

दुजा वर  रोष मना

दुजा वरी करी ईर्षा

काही होत नसे साध्य

तयापेक्षा समाधान

देई सारे जे असाध्य

मन राखण्या निर्मळ

ऐका सदा संतवाणी

करी मनास प्रसन्न 

वाटे जणु गंगेचे पाणी

वैशाली वर्तक

काव्य निनाद राष्ट्रीय साहित्य मंच पुणे 

साहित्यिक उपक्रम क्रमांक 855

दि 7/8/26

विषय...   सोडून देऊ द्वेष 

शीर्षक.  द्वेष दुर्गुण 

दुजावर जळणे 

असे  दुर्गुण सदा

द्वेष नाव तयाचे

नको मनी तो कदा.

सहा असती रिपू 

तयात  द्वेष एक   

दूर रहा सदैव 

हेच काम ते नेक

द्वेष करी दुजाचा 

न होते  काही साध्य 

रहावे समाधानी

मिळे सारे असाध्य

प्रत्येकास नशीबे 

देवच देतो जना

मग कशाला हवा

रोष उगाची मना

द्वेष असे वाईट 

दूर तया पळवा

करीतो नुकसान 

नात्यातला  गोडवा.

 निर्मळ मनासाठी 

ऐकूया संतवाणी 

प्रसन्नता मनाला 

जणु गंगेचे पाणी

वैशाली वर्तक 

अहमदाबाद

8141427430

चित्र काव्य

कल्पतरु जागतिक साहित्य  मंच 

आयोजित  उपक्रम  

अष्टाक्षरी काव्यलेखन

विषय - चित्र  काव्य

    हसली ग नारी

वाट तरी किती पाहू 

मंदावले बघ तारे  

शशी बिंब अंधुकले

 रूप निशेचे पहा रे

घाई खगांना जाहली

घेण्या भरारी गगनी

वाट पाहूनी थकली

सांगू कोणा न सजणी

येता  झुळुक वा- याची

उठे जलात तरंग 

दावी शशी तो स्वरुप

नारी पहाण्यात दंग

जलाशयी शशी बिंब

घेई हसूनी निरोप   

रहा अशीच हसत

नको दाखवूस  कोप

दिला सांगावा वा-याने

झणी नारीस कानात

विलसले हास्य मुखी

आनंदली ती मनात

वैशाली वर्तक 

अहमदाबाद

होऊया आता डोळस

दृष्टी  असून का वागे

 अंध मानवा प्रमाणे

कर मोठा दृष्टी कोन

वाग विशाल मनाने

 

पहा जगाकडे जरा

झाला आहेची प्रगत

आता होऊया डोळस

नको जगणे कुढत

दान देण्याच्या कल्पना

नाही राहिल्या सिमीत

पहा किती बदलल्या

 त्याही  झाल्या  विकासीत

:विसरूनी जातीभेद

देऊ मान समतेला

पसायदानानी दिला

मंत्र सा-या जगताला

नसे कोप  निसर्गाचा ,      

करु वृक्षाचे रोपण

वाढवुया वनश्रीला

जपू ते पर्यावरण

वारकरी

अ भा ठाणे जिल्हा  समूह १

आयोजित 

उपक्रमासाठी

विषय - वारकरी

     *वैष्णवांचा मेळा*

घेता नाम विठ्ठलाचे

 दिसे डोळा वारकरी

विठ्ठलाच्या गजरात

धरुनीया ध्वजा करी

  दर्शनाची  मनी आस

वारकरी टाके पाऊल

कधी जाईन वारीस 

 आषाढात लागे चाहुल

नित्य  नेमाने करी वारी

 चिपळ्या घेऊन हाती

सारे वैष्णव जमती

एकमेकाचे होती साथी

इतका भक्ती भाव वसे

दिसे  विठु एकमेकात

मधेच रिंगण करिता

माऊलीच्या गजरात

न आडवी वारा पाणी

डोळ्या सदा विठु मूर्ती 

उल्हासात येई गती

विठुरायाच देई स्फूर्ती 

वैशाली वर्तक

अहमदाबाद

हर्ष मनी रहावा

लालित्य नक्षत्र वेलसमूह

अंत्य ओळ लेखन

विषय - हर्ष मनी रहावा

सदा मना सारखे... मनाजोगे  मिळणे ..वा होणे. असे जीवनात होत असता.मग काय हर्ष  ,आनंद होत असतोच .नेहमीच देवा कडे मागावे व त्याने उदार हस्ते  आपणास द्यावे. मग  काय आनंदी जग आयुष्य असते. सुखाच्या पायघड्या देवाने घालून ठेवल्या सारखे वाटते. तसेच माझे काहीसे झालेय.

   खरच देवावरील दृढ विश्वास ...नशीब  ..भाग्य   अथवा 

माझ्या  सारखी मीच ..आहेच जीवनात हर्षाने भरलेली आहे. 

अर्थात  समाधानी वृत्ती  हे खरे कारण असेल . 

बालपणापासूनची आजीची...नंतर ,  आईबाबांची  शिकवण.

मनी हर्ष सदा भरलेला.   वृत्ती च आनंदी समाधानी  ...याचे  कारण आहे ...आपल्या जवळ आहे त्यात समाधान मानणे. 

ही सदैव शिकवण ...त्यामुळे  मोठे  धन होते मनात ...समाधान.

   अशा संस्कारात  मोठी झालेली त्यात 

            भाग्य उजळले ... यांच्या सारखे पती लाभले. सुंदर  दृष्ट लागेल असा संसार  झाला ..गोंडस मुले. व कन्या दानाचे पण पुण्य..... कन्या रत्न  प्राप्त झाल्याने ते ही पदरी  लाभले .

तिला मोठे करण्यात माझी हौस मौज पूर्ण  केली ..झाली.

       प्रत्येकाने  मुलांनी मुलीने कर्तृत्वाने  दृष्ट लागेल असे संसार थाटले. वेळेनुसार आजी आजोबाची पदवी पण मिळाली. 

        आता खरच 

"घरात हसरे तारे असता 

मी पाहू कशाला नभाकडे"

ह्या गाण्यांच्या ओळी गुणगुणत ...देवाला स्मरतेय.

असा  देवानी आभाळभर हर्ष दिला आहे . कारण देवाने काय दिलय याचाच हिशोब जीवनी ठेवलाय . म्हणून म्हणते, "  हर्ष

हा  मनी रहावा. 

वैशाली वर्तक

अहमदाबाद

विरह अभंग

स्पर्धेसाठी

कल्पतरु जागतिक साहित्यमंच

आयोजित  

आभंग लेखन स्पर्धा

20/6/22

विषय - विरह

         व्यथा ऊर्मीलेची

न साहे विरह    । कसे कंठु दिन। 

 मन होई क्षीण    । विरहाने       ।। 

वाटे  तू समीप  ! तर कळे भास । 

 मनी तुझा ध्यास !  लागे जीवा   ।। 

कितीदा धाडिला ।  तुजला सांगावा  । 

सोड ना रुसवा !  आता तरी          ।। 

नको वाटे रात्र  ।  जग हे खुशीत । 

अश्रूंच्या कुशीत ! होते सदा         ।। 

 

रामाच्या सेवेत  ।  कृतार्थे जगला । 

भाव न  जाणिला  । उर्मीलेचा        ।। 

विरह सोशिला ।  मी राज मंदिरी  । 

दुःख ची अंतरी  ! नशिबाला       ।। 

वैशाली वर्तक 

अहमदाबाद